Diario persoal (bueno, máis ou menos)

Bueno, bueno. Paréceme a min que ó cadradiño este de factorize.com se lle vai un pouco a olla. Acabo de ler que "laranxeira unha vez empurrou a Stephen Hawking por unha montaña abaixo sen freos". Pero de algo hai que rirse na vida, ¿non? Humor macabro, pero...
Polo de agora sigo agardando impacientemente a que chegue o luns para comezar co meu traballo. Vamos, ¿quen non tería ganas de empezar? Estar de recepcionista durante tres días por sesentaepico euros brutos é un choiazo. Inda por riba, eu non pensaba pasarme por alí mañá para ver como funcionaba o choio (que foi o que me dixeran na ett que me recomendaban facer) pero onte volvín falar con eles e a directora da ett veu falar comigo (que nivelazo, ¿eh?) e díxome que era mellor que fora porque o luns vou estar completamente soa, que na recepción non vai haber ninguén para preguntarlle algo. Que non me obrigan a ir claro, pero que mo recomendan. ¡E como me van obrigar! ¡Só jodería! Voulles ir traballar por unha mierda e se inda por riba me obrigasen a irlles dúas horas gratis ían dados.
Por certo, hoxe pola mañá respondín a unha oferta de choio en translatorscafe.com moi.. mmmh... como dicilo... singular. Trátase de dicir palabrotas e expresións con tacos nun chat para comprobar que non quedan restrinxidas. Pero o máis sorprendente non é a oferta en si, senón que pagan 15$ a hora, máis do que gaño dando clases(6€) e de recepcionista (menos de 4€). Así que se me collen, eu encantada. Xa vos pedirei consello se me quedo en branco ;P